Vigo, 20 de Febreiro. - O alcalde de Vigo, Abel Caballero, animou aos “runners” a que se inscriban na octava edición da Calvario 5 máis 5, segunda proba do circuíto municipal Run Run Vigo de carreiras populares en asfalto.
A carreira, fixada para o domingo 1 de marzo ás 11:15 horas, é a primeira na que os e as atletas poderán elixir entre correr un 5.000 metros ou un 10.000, con inscrición aberta ata o mércores.
Na presentación no Concello, o rexedor estivo acompañado polo edil de Deportes, Manel Fernández, e o organizador, Roberto Rey, entre outros asistentes.
Rey explicou que é “unha carreira moi interesante cun circuíto selectivo”, e espera ademais unha notable participación nas probas de cativos, tamén co seu epicentro en Jenaro de la Fuente, pois a organización ten coidado os detalles para que nenos e nenas gocen da súa propia competición.
